ஜன்னல் – சில குறிப்புகள்

வானம் எனக்கொரு போதி மரம்…..

மழையில்
நனைய முடியாதவர்கள்
ஜன்னல் அருகே அமர்ந்தபடி
ஒட்டுக் கேட்கிறார்கள்
அதன் பாடலை.

——————————————

என் ஜன்னலில்
இந்த மேகம்
மீன்.
அடுத்த ஜன்னலில்
இதே மேகம்
முயல்?

——————————————

ஒரு அவசர சிறகசைப்பின்
படபடப்பை மட்டும்
பின்விட்டபடி
நொடியில் நிழலெனப் பறந்துவிடும்
ஜன்னல் மாறி வந்தமரும்
ஏதோ ஒரு பறவை.

——————————————

கொக்கிகள்
இடப்படாத ஜன்னல்கள்
படாரென
காற்றின் வழிக்கு
வீட்டை திறக்கும்!

——————————————

ஜன்னலை
திறக்கையிலெல்லாம்
கூடவே
திறந்து கொள்கிறது
மனதும்.

——————————————

புகைப்படம் – http://westfordcomp.com

Written by aravind

ஜூன் 19, 2008 இல் 3:33 பிற்பகல்

எண்ணங்கள், கவிதை இல் பதிவிடப்பட்டது

Subscribe to comments with RSS.

	aravind மேல் இறகுகளும் கொஞ்சம் காதலும்
	aravind மேல் 401 காதல் கவிதைகள்
	aravind மேல் என்னைப் பற்றி
	aravind மேல் நண்பனின் திருமணம்
	Amilie மேல் நண்பனின் திருமணம்

சிறுமழை